Njya nsaba Imana ngo Ibahime

Aliko Mana icyampa ukabahima

Icyampa uyu munsi ukabampimira, 

Bakabyuka bazegura bazicekinga
Bagasanga zihinduye ukundi.
Akakarantiseti (AK47) zigahinduka gitari
Gerenade zikababera avoca
Lacrymogene zikababana johnson powder
Bazitera aho kuzana amarira fraicheur zikaza
Barasa AK47 aho gucira urupfu
zigatamba ineza umuziki ukaza urenze
Abo grenade zicaga bagasama amavoca
Dore ko n'inzara iba itaboroheye.

Ngo ngw'iki ngo ntibyakunda,Nanjye umenya ndota,

Basi noneho reka nkwereke idilu

Abasirikare bahindure ukundi
Abapolisi ubanogereze imitima
Ubagire abacuranzi b'amahoro
Insoresore aho ziri hose
Cyane izatojwe urwango
Imitima yabo uyimanyagure
Uyijumburemo izangano
No kûubaha buhumyi ababashuka
Basi turebe ko twabaho mu gahenge
Dore ko amahoro nyayo aturuka iwawe.

Aliko ubundi Mana,
Wahinduriye iki systeme
Ko mbona kera byari byiza
Uwatezaga abandi akavuyo
Uwibaga icyacumi cyawe
Uwibeshyaga ahirahira
Agakinisha ubwoko bwawe
Ko wamukosoraga vite vite. 

Reba nka bamwe bakubeshye
Ngo baguhaye icya cumi cyawe
Ntiwabirangirije aho!
Reba wa mugabo wakoze
Ku ifarasi bimura isanduka yawe
Yigeze anasamba se?
Reba Dawidi yicisha Uliya
Uretse ko we wamudohoreye
Ukamutwara ikibondo, ibaze?
Umuha doziyemu chance
Umenga we yari umuntu wawe cyane.

None uraretse abantu bigize kagarara
Ngo njye ndi iki niki, ngo ninjye ufite kime
Ngo uwo tudahuje ndahonda ngatsemba
Uribuka abateraga hamwe bakanahuza
Umugambi aho batugeze koko?
Erega nta soni bamwe ngo bazamesura,
Mana urabareka bakamesura peee?
Bagatumbika abantu wiremeye
Ukabagira abaziramazi?

Ngo uzavangura nihagera gusarura?
Yego nanjye mbyungukiramo
Kuko naba narazimye kera
Aliko wenda abasigaye baba
Babana neza nta wubahonyora
Nta wubahonyanga yitwaje gusa
Umunyenga wamuhaye w'utunsi utu.

Reka nkanguke hatagira unyumva
Akagira ngo nanjye ubwenge
Nabumesuye aliko rero Mana
Ubwo erega ndanasenzeee.