Ibaruwa Nandikiye Land Cruiser V8

Iyi bayita vewiti (V8).

Iyo nyibonye nsesa urumeza, aliko nyifitiye ubutumwa.

Niko sha Vewi ko uri mwiza, uri no kuri swaga pe, aba jyama bo muri hudu iyo baguciye iryera bazunguza icwanga abadafite kime bagatora amashashi. NGAAHO MBWIRA SHA.

Ahantu nkora rero shahu mbona nta kayabo bampemba, ntibinateze kuko boss ntabwo yibwiriza. Urebye bimeze nk'ubwitange ndakakubura (Imana ntibyumve weeeee). Ni za nduru ni nk'ubuhumbi magana aya, ntuzi se ayo muherutse kwemeza muri rya tegeko riheruka ry'imishahara yacu. Ntubare bwa bukarita bwa telephone baduha, za lambusamu, n'ayo kwakira abashyitsi. Erega vewi burya uko unnywa natwe tugira inyota. 

Ruswa n'aho yanditse sinahasoma, n'iyo umuntu yaba ashaka isoko rya miliyoni ijana sinshobora kumusaba ngo ampemo nk'imwe n'igice mbimugiremo pe. 

Jeto do purezansi bampa iyo twakoze za nama zacu za hato na hato, sha nayo ntijya irenga ya hotel iri imbere y'aho dukorera inama. Erega chivas si ikintu mwana. 

Abana banjye nabajyanye mu ishuri riri fureshi nawe urayoka, kameme bagomba kumenya ku rurimi.
Mabuja nawe ubu ari kuri swagg ngo atari muri desizo nta wundi wamukora mu musatsi, erega ni umugore wa keliken.
Sinanywa Mitsingi yo kwa Murokore cyangwa kwa Kazungu, reba nguparitse nko kwa Binnyavanga aliko? No!! que quoi je suis keliken. 

Ngaho mbwira rero kugira ngo nkwibikeho, sa keredi, furu obushoni mu ibara rya silver nakora imyaka ingahe mbika angahe ku kwezi? Ntumbwire ibya keredi kuko ibintu byacu ni nka betting. Nshobora no kugukomanda nkegura ukimangamanga mu nyanja harya ni iy'abashinwa cyangwa abahinde? Vewi sha ni danger. 

Umbabarire nubona byansaba ibintu kiliziya itemera, kuyobya imishahara, guhindura za DAO, guhemba abantu bapfuye, gutekinika liste z'abantu wenda bishyuye ikamyo itwara ibishingwe, kujya mu bikari bya Boss, kujya ndya iminwa, umbwire mbivemo. Kandi ubimbwire ku mugaragaro n'abandi babyumve buriya hari ababona abakuvinviriyemo bakumva ni urunyenga, batazi uko umuntu akwibikaho. 

Wenda n'abajyama bamfasha nutinda kumbwira.